Aya (Hagia) Sophia Masjid – All you need to know

آیاصوفیا مسجد تحریر : محمد ندیم بھٹی
بازنطینی حکمران کی درخواست پر سلطان محمد دوئم نے آرائش و تزئین کے بعدگرجا گھر کو مسجد میں بدل دیا تھا۔ مبارک ناموں کی خطاطی سے مزئین اس عمارت میں80سال تک سیاح جوتوں سمیت داخل ہوتے رہے۔

۔85سال پرانے تشخص کی بحالی پر اعتراض کیوں؟

ترک عدالت نے قانون اور بازنطینی حکمرانوں کے ساتھ کئے گئے سلطان محمد کے معاہدے کی رو سے مسجد کی بحالی کا حکم دے دیا۔ صدر طیب اردگان عدالتی فیصلے پر عمل درآمد کے لئے پہلے سے ہی آمادہ تھے، 10جولائی کو طیب اردگان کی ڈگری کے اجراء کے بعد تاریخی مسجد آیا صوفیا کا قدیم تشخص بحال کرتے ہوئے اسے عجائب خانہ سے دوبارہ مسجد میں بدلنے کا عمل جاری ہے۔ آرائش و تزئین کے بعد اسے نماز کے لئے کھول دیا جائے گا۔ان کا کہنا ہے کہ ’’آیا صوفیا مسجد ‘‘میں سیاحوں کی آمد پر کوئی پابندی نہیں لگائی جائے گی ۔مخصوص اوقات کار میں سیاح آ سکیں گے‘‘۔انہوں نے زور دے کر کہا کہ ’’اب بیت المقدس کی آزادی کی کا وقت قریب آ گیا ہے‘‘۔ نوٹر ڈیم کیتھڈرل میں عبادت بھی ہوتی ہے اور سیاحوں کے لئے بھی کھلا ہے، یہی پوزیشن صوفیا مسجد کی بھی ہو گی ۔ عدالتی فیصلہ سنتے ہی متعدد افراد اللہ کے حضور سجدہ ریز ہونے مسجد پہنچ گئے تھے ،صدر ترکی طیب اردگان کے حکم پر 85برس بعد پہلی نماز 25 جولائی کو ادا کی جائے گی۔

استنبول کی شان اور ترک ثقافت کی پہچان مسجد ’’آیا صوفیا ‘‘(خدا کی حکمت )کئی سو برس پرانی ہے۔500 برس تک ترکی میں اللہ تعالیٰ کے حضور سر جھکانے کی بہترین جگہ تھی۔ 9 صدیوں تک ’’آیا صوفیا‘‘ کو دنیا کے ایک بڑے شاہی مرکز اور گرجا گھر کی کی حیثیت حاصل رہی ۔

مسجد بنانے کے مخالفین

مسجد کے کھلنے کا حکم جاری ہوتے ہی کئی ممالک میں کہرام مچا ہے۔ پاکستان سمیت کئی ممالک اور اقوام متحدہ کے ذیلی ادارے یونیسف نے بھی مسجد کی بحالی قبول نہیں کی ۔یہ سب مسجد کی جگہ عجائب خانہ ہی دیکھنا چاہتے ہیں۔روس اور امریکہ کے قدامت پرست صدر ترکی کے فیصلے کو قدامت پرست کہنے سے نہیں چوک رہے۔کیا کہنے ، جوخود قدامت پرست ہیں وہ بھی دوسروں پر قدامت پرستی کا لیبل لگا رہے ہیں۔زیادہ ارتعاش امریکہ اور روس میں پیدا ہو ا ہے۔ امریکی وزیر خارجہ پومیو کا مخالفانہ بیان کوئی انوکھی بات نہیں، یہ روس کی کی مخالفت سمجھ سے بالاتر ہے جو کسی مذہب کو نہیں مانتے وہاں سے قدامت پرستی کے حق میں آوز بلند ہونا عجیب سا لگا ہے۔ روسی سینٹ کی امور خارجہ کمیٹی کے چیئرمین کونستاتن کوسا شیف نے انتباہ کیا کہ فیصلے پر انتہائی منفی ردعمل آ سکتا ہے۔ فرینکفرٹ میں قائم ’’عالمی کونسل برائے چرچز‘‘نے صدر کے نام لکھے گئے ایک خط میں اس فیصلے پر گہرے رنج وع غم اور مایوسی کا اظہار کیا ہے۔یونیسف نے بھیء ترکی کی انتطامیہ کو لکھے گئے ایک خط میں مسجد کی بحالی کو بنا سوچے سمجھ اٹھایا گیا فیصلہ قرار دیا ہے، عالمی عجائب گھر ہونے کے ناطے مسجد کی بحالی سے پہلے عالمی شخصیات سے بات چیت بھی ضروری تھی۔

یکطرفہ طور خود سے مسجد کی بحالی درست نہیں۔متحدہ عرب امارات نے بھی فیصلے کو سراہنے کی بجائے تبدیل کرنے کاذکر کیا ہے۔عالمی ثقافتی ورثہ کو مسجد میں بدلنے پر یورپی یونین بھی خوش نہیں۔یورپی یونین نے فیصلے کو افسوسناک قرار دیتے ہوئے عجائب گھر قائم رکھنے کی ضرورت پر زور دیا ہے۔قدامت پرست مسیحیوں کی عالمی تنظیم نے بھی ترکی کے صدر سے فیصلہ واپس لینے کا مطالبہ کیا ہے۔بعض قدامت پرستوں کا کہنا ہے کہ ’’پرانے تشخص کی بحالی سے دنیاایک بارپھر مشرق اور مغرب میں بٹ جائے گی‘‘۔ کسی نے کہا کہ اس سے 30 کر وڑ قدامت پرستوں کے جذبات مجروح ہو گے‘‘۔ بھارت میں بھی آوازیں اٹھ رہی ہیں۔ اس بھارت میں جہاں 80لاکھ کشمیریوں کو گھر سے باہر نکلنے اور نماز پڑھنے کی اجازت نہیں ۔جس کے مرکزی شہر دلی میں اسلامی نام رکھنے پر 39افراد 23 فروری سے 26فروری تک خاک اور خون میں نہلا دیئے گئے۔

کیا پورا گرجا گھر مسجد میں بدلا گیا؟

ہرگز نہیں۔گرجا گھر میں سات اہم علوم کی تعلیم کے لئے عظیم الشان یونیورسٹی بنائی گئی تھی،لیکن یہ یونیورسٹی خستہ ہونے کے باعث بند کر دی گئی تھی ۔ سلطان نے نئی جگہ پر عالی شان یونیورسٹی قائم کی۔ ان کا تعمیراتی پلان منفرد تھا۔انہوں نے اس عمارت میں مسجد کے لئے بہت سی تعمیرات کیں،جن کا ذکر الگ بھی کیا گیا ہے۔ جبکہ ہسپتال، مدرسہ، سکول، لائبریری، باغ،مہمان خانہ، سرائے اور مقابرکے علاوہ دیگر تعمیرات بھی شامل تھیں۔ یہ سب سلطان کی حکمت علمی کا نتیجہ ہیں۔

شاہی مرکز ،گرجا گھر کی تعمیر کا آغاز

عوام رومیوں اور بازنطینیوں کی سیاسی پالیسیوں اشرافیہ کے گرد گھومتی تھیں،اسی لئے وہ مقبول حکومت قائم کرنے میں بھی کامیاب نہ ہو سکے۔532ء میں بادشاہ جسٹینین کی غیر مقبولیت کے بعد شہر بھر میں مظاہرے شروع ہو گئے۔ جاتا ہے۔ ’’نکا‘‘ کے لغوی معنی ’’فتح‘‘ کے ہیں۔ عوام سے بچنے کے لئے انہوں نے مضبوط فصیلوں کی حامل بلند و بالا عمارت بنانے کاحکم دیا۔ورنہ عوام بادشاہ کو ان کے قلعے میں گھیر کے ہلاک کرنے کے درپے تھے ۔ عمارت کی جلد از تعمیر کی غرض سے انہوں نے Anthemius اور Isidoreنامی دو ماہرین کی خدمات حاصل کیں۔اگرچہ ان کانام ماہرین تعمیرات کی کسی بھی فہرست میں نہیں ملتا لیکن دونوں نے بلووں سے بچانے کے لئے صرف 6برس کی مدت میں تین حفاظتی دیواروں والی بلند و بالا عمارت بنا لی۔مصنف Procopios لکھتا ہے کہ دونوں ماہرین کو کئی مشکلات کا سامنا کرنا پڑا۔دوران تعمیر گنبد کئی بار گرا۔جسے متعدد بندوں کی مدد سے سہارا دیا گیا۔بدقسمتی سے عمارت کی چھت کچھ چند ہی برسوں بعد زمیں بوس ہوگئی۔ رہی سہی کسراوپر تلے آنے والے زلزلوں نے پوری کر دی تھی۔ 1261

ء میں اس عمارت پر بازنطینیوں نے اپنا قبضہ دوبارہ قائم کر لیا تھا لیکن اس دور میں اس کی حالت نہایت خستہ ہو گئی تھی۔ 1317ء میں بادشاہ اندرونی کس دوئم (Andronicus) نے عمارت کو سہارا دینے کے لئے اپنی آنجہانی شریک حیات ارنی (Irene) کی وراثت چار نئے گنبد بنانے کے لئے مخصوص کرنے کاحکم دیا۔1344ء میں آنے والا زلزلہ بھی کمزور عمارت سہ نہ سکی اور 19مئی 1346ء کو کئی حصے زمیں بوس ہو گئے۔بعد ازاں گرجا گھر کو 1354ء تک بند رکھا گیا۔ مرمت کے لئے Astrasاور Perlataجیسے ماہرین کی خدمات حاصل کی گئیں۔

آیا صوفیا میں تبدیلیاں

بازنطینی شہنشاہ جستینین (Justinian ) کے حکم پر اس عمارت کی تعمیر 537ء میں مکمل ہوئی۔ بازنطینی دور میں یہ عمارت حلف وفا داری اور بڑی عالم کی تقریبات سمیت خاص مذہبی رسومات کے لئے مخصوص تھی۔ 440ء تک یہاں عبادت بھی کی جاتی رہی اور شاہی حکمران جنگ و جدل کے فیصلے کرکے دنیا کی بربادی کا انتظام بھی کرتے رہے۔726ء میں بادشاہ Leo the Isaurian نے حکم جاری کیا کہ یہاں بازنطینی سلطنیت کی اینٹ سے انیٹ بجا دی جائے جو نشانی دکھائی دے ، اسے ملیا میٹ کر دیا جائے۔ شاہی فرمان جاری ہونے کی دیر تھی کہ آیا صوفیا میں بازنطینیوں کی ہر نشانی نیست و بابود کر دی گئی۔تمام مذہبی تصاویر اور مجسمے ہٹا دتوڑ دیئے گئے۔یہ کام مسلمانوں نے نہیں کیا، بادشاہ لیو کے حکم پر گرجا گھر سے تمام مذہبی علامتیں اور نشانیاں ہٹا دی گئیں۔بعد ازاں 5برس (797ء یا 802ء) دوبارہ بازنطینیوں نے راج کیا لیکن گرجا گھر کو بحال کرنے میں ناکام رہے۔بادشاہ Theophilus نے گرجا گھر کے جنوبی بیرونی دروازے پر قد آدم دروازے لگا کر بند کر دیا۔859اور 989میں آنے والوں زلزلوں مغربی گنبد کو شدید نقصان پہنچا،چنانچہ بادشاہ باسل اول نے آرمینیا سے دو مایہ ناز گرجا گھر (Ani اور Argina)کے معمار Trdat کی خدمامت حاصل کیں ،وہ اس کا تشخص کچھ حد تک بحال کرنے میں کامیاب ہو گیا۔
۔1096ء تا1271ء یورپی حملہ آوروں نے راج کیا۔ پرنسسز آف رسک کیوان (مشرقی سلا وک اور فینک عوام کی فیڈریشن) نے بھی خطے پر راج قائم کیا۔ یہ عمارت وینس کے حکمران Doges of Venice کے تسلط میں رہی ۔ 13.5 لاکھ کلومیٹر پر محیط ڈاجز آف وینس کی سلطنت 12 مئی 1797کو ملیا میٹ کر دی گئی۔ رومن Aachen بھی نے یہاں کچھ عرصہ حکومت کی۔ Aachen ، جرمنی اور بیلجئم کے سرحدی علاقے میں قائم سلطنت کو کہا جاتا تھا۔ کئی حملہ آور اسی راستے سے آتے رہے اسی نسبت سے انہیں سے ’’Bad Aachen‘‘بھی کہا جاتا ہے۔
گرجا گھر پر قبضے
مسلمانوں کی آمد سے پہلے اس عمارت نے کئی رنگ روپ بدلے۔ آیا صوفیا 900برس گرجا گھر رہا لیکن کئی بار اجڑا۔ رومیوں اور بازنطینی آپس میں لڑتے رہے اور گرجا گھر کا تشخص بدلتے رہے ۔ موقع ملنے پر یونانیوں نے بھی گرجا گھر کی شکل بدل ڈالی۔آئیے دیکھتے ہیں،
۔537ء تا 1054ء : یہ بطور بازنطینی کرسچین گرجا گھر قائم رہا۔
۔1054ء تا 1204ء:یونانیوں نے قبضہ کرکے قدامت پرست کیتھڈرل بنا دیا۔
۔1204ء تا 1261ء :رومیوں نے قبضہ کر کے رومن کیتھولک چرچ میں تبدیل کر دیا۔دوسرے گروہوں کی تمام نشانیاں ایک بار پھر مٹا دی گئیں۔
۔1261ء تا 1453ء:اسے یونانی آرتھوڈکس میں بدل دیا گیا۔

کیا سلطان محمد فاتح تنہا تھے؟

اس سوال کا جواب کا مغربی مفکرین اور مورخین نے صاف لفظوں میں اثبات میں د یا ہے۔وہ کہتے ہیں کہ سلطان محمد فاتح نے کئی مرتبہ مغربی قوتوں کے ساتھ اتحاد قائم کئے ۔مغربی قوتوں میں سیاسی طاقتیں بھی شامل تھی ۔متعدد مسیحی مذہبی پیشوا بھی ان کے ساتھ تھے۔ مثلاََ آج جہاں رومانیہ واقع ہے، وہاں 1431ء میں ظالم ڈریکولہ Vlad the Impaler سوم کی حکومت قائم تھی۔ سلطان محمد فاتح نے عوام کو اس کے عذاب سے نجات دلانے کے لئے اسی کے بھائی سے اتحاد قائم کیاتھا۔اسی طرح وہ یونانیوں اور رومیوں کو بھی ساتھ لے کر چلے۔ اسی لئے انہوں نے کسی ایک بھی گرجا گھرکو نقصان نہیں پہنچایا اور آیاصوفیا میں پناہ گزیںخواتین اور بچوں کو بھی عزت و احترام کے ساتھ رخصت کیا۔البتہ فتح کے پہلے روز منبر پر اذان کی آواز بلند ہو گئی تھی۔

مسجد مذہبی پیشوائوں کے کہنے پر بنائی گئی تھی

۔1453ء میں خلافت عثمانیہ کے سلطان محمد دوئم کو فاتح قسطنطنیہ بھی کہا جاتا ہے،ان کی فتوحات اس قدر تھیں کہ انہیں فاتح ان کے نام کا حصہ بن گیا تھا،فاتح قسطنطنیہ سلطان محمد نے 1453ء میں رومیوں اور یونانیوں کو عبرت ناک شکست دینے کے بعد پورے علاقے کو اپنی سلطنت میں شامل کر لیا۔جس کے بعد29مئی 1453ء کو خستہ حالت میں یہ عمارت ان کی سلطنت کا حصہ بن گئی۔ شکست خوردہ بازنطینی حکمرانوں نے اس عمارت کے حسن کو برقرار رکھنے کی التجا کی جسے مسلمانوں نے مان لیا۔ صدر ترکی طیب اردگان نے اہل مغرب کو یاد دلایا کہ مسجد کی بحالی صرف عالم اسلام ہی کی خواہش نہ تھی بلکہ یہ بازنطینیوں اور خلافت عثمانیہ کے مابین ہونے والے معاہدے کی رو سے بھی یہ ضروری ہے ۔ انہوں نے لکھا کہ ’ ’ بازنطینیوں اور خلافت عثمانیہ کے مابین ہونے والی ’’ڈیڈ‘‘ کے مطابق بھی اسے کسی عجائب گھر میں تبدیل نہیں کیا جا سکتا ۔ معاہدے میں دونوں فریقین نے اسے مسجد بنانے پر اتفا ق کیا ہے۔اسے کوئی اور شکل دینا معاہدے کی خلاف ورزی ہے‘‘۔ دوسری طرف ترک ارکان پارلیمنٹ نے ایوان میں کھڑے ہو کر عدالتی فیصلے پر عمل درآمد کا خیرمقدم کیا ۔اسے ترکی میں پرانی ثقافت کی بحالی کی جانب اہم قدم قرار دیا جا رہا ہے۔

ایک مغربی دستاویز میں لکھا ہے کہ ’’سلطان محمد فاتح مذہبی پیشوائوں کی مددسے آگے بڑھتے رہے، اور نئے روم ی بنیاد رکھنے کی جانب پیش رفت کر رہے تھے۔ قسطنطنیہ کے سلطان اور اوپر تلے بدلنے والے کئی پوپ بھی آپس میں سیاست کرتے رہے جس سے سلطان کو موقع مل گیا۔ سیاست کے جوڑ توڑ اور بنتے بگڑتے اتحادوں میں وینس کا کردار بھی کلیدی رہا۔ اٹلی کے حکمران کئی اہم شہروں (جیسا کہ فلورینس، وینس، نیپلز اور ریمینی) کا تبادلہ کرتے رہے ، لیکن ان تبدیلیوں کا فائدہ سلطان محمد کو پہنچا۔ جنوبی اٹلی میں ’’Otranto‘‘ نامی علاقے پر قبضہ ان کی آخری پیش قدمی تھی وہ اپنی سلطنت کو متحد اور منظم کئے بغیر ہی اللہ کو پیارے ہوگئے۔ جس سے ترکی کی خلافت عثمانیہ کو زبردست دھچکا لگا۔

امریکہ میں ایک ہزار سے زائد ریڈیو سٹیشنز اور جرائد کو چلانے والے ادارے ’’ npr‘‘نے 10جولائی 2020کو لکھا، ’’Turkey Converts Istanbuls Iconic Hagia Sophia Back into A Mosque‘‘ یعنی ترکی نے مشہور زمانہ آیا صوفیا کو دوبارہ مسجد میں بدل دیا‘‘۔ دیگر کئی عالمی مضامین میں بھی یہی بتایا گیا ہے کہ ترکی میں آیا صوفیا کا اسلامی تشخص بحال کر دیا گیاہے۔’’نیو یورپ‘‘ میں شائع شدہ تحقیق کے مطابق بازنطینی حکمران نے ہی اسے مسجد میں بدلنے کی التجا کی۔انہوں نے اصرار کیا کہ ’’آرائش و تزئین کے بعد اسے مسجد میں ڈھال دیا جائے‘‘۔

سلطان محمد دوئم سے رابطوں کی تصدیق کئی دیگر جرائد و مضامین سے بھی ہوتی ہے۔ اس ضمن میں کیا گیا معاہدہ بھی تاریخ کا حصہ ہے۔سلطان محمد کی منشا یہ ہرگز نہ تھی، وہ شاہی محل اور شاہی خاندان کی عبادت گاہ کے طور پرہی اسے قائم و دائم رکھنا چاہتے تھے لیکن سابق حکمرانوں کی خواہش کے آگے سر جھکائے بنا نہ بنی۔ آخر کار انہوں نے چار میناروں کی تعمیر کے بعد اس شاہی محل نما عمارت کو مسجد میں بدل دیا۔ خلافت عثمانیہ کے پاس شاہی انجینئرز اور ماہرین تعمیرات کی کمی نہ تھی،سابق حکمران کے دل کی آواز کو سنتے ہوئے اسی وقت اسے مسجد میں ڈھالنے کا حکم دے دیا گیا۔

۔1453ء میں اسے مکمل طور پر مسجد کے قالب میں ڈھال دیا گیا اور یہاں اذان کی آواز گونجنے لگی۔مرکزی حصے میں قائم ہونے کی وجہ سے اسلامی پہچان بنانے والے آیا صوفیا کو منفرد حیثیت حاصل تھی۔نئی نسل میں اسلامی کی روح پھونکنے میں آیا صوفیاکو نظر انداز کرنا مشکل ہے۔پہلی جنگ عظیم کے نتیجے میں خلافت عثمانیہ کے حصے بخرے کر دیئے گئے اور مصطفیٰ کمال اتاتاترک کی سربراہی میں روشن خیال حکومت برسراقتدارآ گئی۔کمال اتاترک نے 1935میں اولین حکم میں مسجد کا تشخص ختم کرتے ہوئے اس عظیم الشان عبادت گاہ کو عجائب گھر میں بدل دیا۔ کئی سو سال پرانی مسجد آیا صوفیا کو عجائب خانہ بنانے کی ڈگری جاری کر دی گئی ۔سیکولر وزارتی کونسل نے اپنی رپورٹ میں لکھا کہ،’’ آیا صوفیا کی منفرد تاریخی اہمیت اور استنبول کے مرکز میں واقع ہونے کے پیش نظراسے عجائب گھر میں تبدیل کیا جا رہا ہے۔یہ عجائب گھر پوری مشرقی دنیا کے سیاحوں کے لئے اہمیت کاحامل ہو گا جس سے اقوام عالم کو نئے علوم سے روشناس ہونے میں مدد ملے گی‘‘۔ (بحوالہ کتاب ’’آیا صوفیا،ہولی وزڈم،ماڈرن مونیومنٹ ‘‘ مصنف رابرٹ نیلسن) ۔دنیا کے اس حصے کو نئے علم سے روشناس کرانے کے نام پر عالم اسلام کوپرشکوہ عبادت گاہ سے محروم کر دیا گیا۔ قریب قریب دو صدیوں میں یہاں کروڑوں مسلمان اللہ کے حضور سجدہ ریز ہوئے لیکن مصطفیٰ کمال نے جذبات کی پرواہ نہ کی۔ کیونکہ ہر سال لاکھوں افرد جوتوں سمیت اس پاک جگہ میں داخل ہوتے رہے۔شائد مغرب کی حمایت کا حصول ان کے پیش نظر ہو، ان کا خیال ہو گا کہ خلافت عثمانیہ کی پالیسیوں سے اختلاف کر کے ہی وہ مغرب کے ساتھ زندہ رہ سکتے تھے جیسے مغرب خوش ویسے ہی وہ بھی خوش۔ مصطفیٰ کمال اتاترک نے شکست خوردہ سابق حکمران کی خواہش کو بھی نظر انداز کر دیا جس میں انہوں نے خود اس جگہ پر مسجد بنانے کی درخواست کی تھی ۔ان کے فیصلے کے خلاف کسی غیر ملکی نے یہ نہیں کہا کہ ’’ جناب آ پ اسلامی تشخص کا خاتمہ کیوں کر رہے ہو‘‘۔ تاریخی حیثیت میں تبدیلی کی مخالفت کسی عالمی تنظیم یا ادارے نے نہیں کی ۔یہ الگ بات ہے کہ ترک عوام نے مصطفیٰ کمال اتاترک کا یہ فیصلہ کبھی تسلیم نہیں کیا۔

بناوٹ: گنبد اور مینار

مسجد کے 197فٹ بلند چارمینار اللہ کی رحمت کی نشانیاں ہیں۔ پنسل کی مانند بلند و بالا یہ چاروں مینار اپنی نوعیت کے اعتبار سے منفرد ہیں ۔اتنے بلند ،پنسل سے مشابہہ مینار دنیا کے کسی اور حصے میں قائم نہیں ۔ 1974ء میں لاہور میں ہونے والی اسلامی سربراہ کانفرنس کے بعد بنایا گیا ’’اسلامی سمٹ مینار‘‘ بھی ا سی طرز پر بنایا گیا ہے۔ مرکزی گنبد کا قطر 102فٹ ہے۔ گنبد کی بناوٹ آسمان سے مشابہہ رکھی گئی ہے ۔گنبد دیکھ کر اندر سے ایسے لگتا ہے جیسے آسمان سر پر سایہ فگن ہو۔ آسمان سے مشابہہ رکھنے کے لئے چھت کئی حصے نیلے رنگ سے ڈھانپ دیئے گئے ۔کہیں کہیں زرد رنگ بھی نمایاں ہے۔مرکزی گنبد کے چاروں طرف 40 کھڑکیاں ہیں،جبکہ اندرونی حصے میں اسلامی خطاطی کے نمونے آویزاں ہیں،چھت کے اندرونی حصوں پر کی گئی پچی کاری کی اپنی ہی شان ہے۔ ہر نمازی کے دل و دماغ میں اللہ کی شان اوراس کی عظمت کی ہیبت بیٹھ جاتی ہے۔ خطاطی کے یہ تمام نمونے درجہ کمال پر ہیں، کسی بھی عالمی شاہکار سے کم نہیں۔ مسجد کے چاروں بنائے گئے چھوٹے گنبد اسے دیگر مساجد سے ممتاز حیثیت عطا کرتے ہیں۔ یہ خلافت عثمانیہ کے انجینئرز اور کاریگروں کی اعلیٰ کاوشوں کا نمونہ ہیں۔

بظاہریہ عجائب گھر تھا، لیکن اللہ تعالیٰ کے مبارک ناموں کی خطاطی اورحضرت محمد ﷺ کے نام مبارک اسے عجائب گھر سے کہیں زیادہ ممتاز اور اعلیٰ و ارفع مقام عطا کرتے ہیں۔یہی وجہ ہے کہ مصطفیٰ کمال کا فیصلہ ترک عوام نے کبھی قبول نہیں کیا ، وہ برسوں سے نماز پڑھنے کی جستجو کررہے ہیں ،مسجد کی بحالی کے لئے کئی مرتبہ قانونی اور عدالتی کارروائیاں کی گئیں لیکن عوام کی خواہش پوری نہ ہو سکی ۔آخری مقدمہ 16برس قبل دائر کیا گیا تھا، جس میں یہ موقف بھی اختیار کیا گیا تھا کہ ’’آیا صوفیا کی زمین دراصل سلطان محمد کی ملکیت تھی،اور انہوں نے ہی اسے مسجد میں تبدیل کیا تھا،کمال اتاترک سلطان کا فیصلہ تبدیل کرنے کا مجاز نہ تھے‘‘۔